“Ideja për të festuar në të njëjtën kohë Ditën e Pavarësisë dhe për të nderuar fisin Sllavejkov lindi në një bisedë me Prof. Asoc. Emill Dimitrov, i cili është pjesë e shoqërisë sonë. Për rolin e Hristo Sllavejkovit – kryetar i Kuvendit të 14-të Kombëtar dhe një nga figurat më të rëndësishme në shpalljen e pavarësisë së Bullgarisë. Ai lexoi në parlament manifestin për shpalljen e pavarësisë dhe ia dorëzoi në mënyrë solemne Mbretit Ferdinand, ndërsa në Carevec, pasi Ferdinandi lexoi manifestin, ai si kryetar i Kuvendid e mirëpriti Mbretin e Bullgarisë së pavarur. Mund të themi se ky moment është kulmi i luftës së Sllavejkove për këtë pavarësi, të nisur nga Petko, i cili filloi mësimdhënien dhe përhapjen e arsimit në popullin bullgar në moshën 16 vjeçare. Me kalimin e viteve fillojnë të botohen dhjetëra gazeta, njëra prej të cilave quhej “Nezavisimost” (Pavarësia) .

Nga tetë fëmijët e Petko Sllavejkovit, familja ka trashëgimtarë vetëm nga ana e Hristo Sllavejkovit. Në eventin në Brunate, morën pjesë 3 breza pasardhës të familjes dhe për ta ka qenë jashtëzakonisht e këndshme të komunikonin me bullgarët në Itali. Në festimet ka pasur një shfaqje nga tre grupe folklorike nga Milano, ekspozita, lexime letrare dhe diskutime rreth Sllavejkovit. Filmi i producentes dhe regjisores Rosica Llazarova për Allcek dhe bullgarët mesjetarë në Itali u shfaq i përkthyer edhe në italisht. Nga shoqata "Penço Sllavejkov" janë jashtëzakonisht mirënjohës ndaj autoriteteve lokale në qytetin turistik për mbështetjen që u jep aktiviteteve të tyre.

“Shoqata u krijua zyrtarisht për të festuar 110 vjetorin e vdekjes së Penço Sllavejkovit në Brunate në vitin 2022, kur ne zhvilluam evente të mëdha treditore – kujton Krëstjo Karabojçev. – Me këtë rast, së bashku me Bashkinë Brunate krijuam shoqatën me selinë e saj në bibliotekën Brunate, e cila është në dispozicionin tonë për të gjitha llojet e eventeve. Jemi shumë falenderues! Më pas restauruam librin përkujtimor që në vitin 1940 u ekspozua në hotelin “Bella Vista” – për herë të fundit u plotësua më 28 gusht 1944. Pronarët e vjetër të hotelit, familja Lluçini, e kishin ruajtur për shumë vite në arkivën e tyre. Rastësisht e zbulojnë gazetari kulturor Pietro Bera së bashku me Prof. Asoc. Emill Dimitrov. Libri i është dhuruar Agjencisë Shtetërore të Arkivave nga pronarët italianë. Por pas 78 vitesh, në vitin 2022, vendosëm një kopje të librit në një kënd përkujtimor në hotelin “Bella Vista”.

Rrugës për në "ishullin e të bekuarve" aq shumë të ëndërruar në këtë hotel të vogël, në vitin 1912, poeti i parë bullgar i nominuar për çmimin Nobel në Letërsi i dha fund rrugëtimit të tij tokësor. Sot, shoqata, e udhëhequr nga Krëstjo Karabojçev, vazhdon të punojë për ruajtjen e kujtimit të Penço Sllavejkovit në Brunate.

“Jashtë hotelit “Bella Vista” gjendet një pllakë e vendosur nga Shoqata Sportive Bullgare në vitin 1940, nga studentët bullgarë, si dhe një pllakë përkujtimore me fytyrën e Penço Sllavejkovit, e vendosur më vonë nga Lidhja e Shkrimtarëve të Bullgarisë. Gjatë kremtimit të 110-vjetorit, në murin e hotelit “Bella Vista” u vendos një pllakë përkujtimore e punuar nga skulptori Adrian Novakov, i cili është pjesë e shoqatës sonë. Mund të them se turistët nga e gjithë bota ndalojnë dhe pyesin se kush është ky poet dhe lexojnë poezitë e Penço Sllavejkovit."