"Ka ardhur koha." Kështu në mënyrë lakonike presidenti Rumen Radev e komentoi nga Nju Jorku mundësinë që më 10 tetor të këtij viti të bëhet një propozim Bullgaria të hyjë në zonën Shengen edhe në rrugë tokësore.

Kreu i shtetit kujtoi se vendi ynë prej kohësh i ka përmbushur kriteret teknike për anëtarësim. “Në këtë drejtim po punojnë një sërë qeverish – zyrtare dhe të rregullta. Do të kujtoj edhe përpjekjet diplomatike dhe teknike që kemi bërë”, tha Rumen Radev. Presidenti shprehu shpresën se kjo do të japë rezultate “më së shumti për të kuptuarit e shteteve anëtare se mbrojtja e kufirit të jashtëm të BE-së është angazhim i të gjitha vendeve, jo vetëm atyre që kanë një kufi të përbashkët”. Ai theksoi përpjekjet e kabinetit teknik me kryeministrin Gëllëb Donev, i cili nisi projektin pilot për ruajtjen e kufirit bullgar në partneritet me Austrinë.

Rumen Radev kryeson delegacionin bullgar në seancën e Asamblesë së Përgjithshme të OKB-së me temën "Të mos lëmë askënd pas: të veprojmë së bashku për përparimin e paqes, zhvillimit të qëndrueshëm dhe dinjitetit njerëzor për brezat e sotëm dhe të ardhshëm". Sipas tij, qëllimi më i madh për momentin është forcimi i sigurisë globale.

• Në tetor do të propozojnë hyrjen e Bullgarisë dhe Rumanisë në Shengenin tokësor