Këshilli i Ministrave lejoi dhënien e Centralit Atomik Elektrik “Kozlloduj” një derogim nga Rregullorja Evropiane për masat kufizuese në funksion të veprimeve të Rusisë në Ukrainë. Me përjashtimin, i vetmi termocentral bërthamor në Bullgari dhe prodhuesi ynë më i madh i energjisë elektrike do të jetë në gjendje të importojë produkte hekuri dhe çeliku nga Rusia sipas kontratave specifike. Gjithashtu lejohet importi i mallrave dhe teknologjisë nga Rusia dhe ofrimi i asistencës teknike përkatëse. Përjashtimi do të zbatohet deri në skadimin e kontratave në fjalë.
Prioriteti kryesor në funksionimin e Centralit Atomik Elektrik “Kozlloduj” është ruajtja e nivelit më të lartë të sigurisë teknike dhe bërthamore, si dhe mbrojtja e mjedisit. Meqenëse një pjesë e madhe e sistemeve dhe pajisjeve të centralit janë me origjinë ruse, disa nga kontratat për furnizimin e mallrave dhe ofrimin e shërbimeve në lidhje me riparimet vjetore, funksionimin e besueshëm dhe të sigurt të njësive 5 dhe 6 të Centralit Atomik Elektrik “Kozlloduj” janë të lidhura ose duhet të lidhen me kontraktorët rusë, shpjegon shërbimi për shtyp i qeverisë.
Më shumë hollësi për Centralin “Kozlloduj” mund të lexoni nga botimi i mëposhtëm:
Në tremujorin e dytë të vitit 2024, paga mesatare mujore bruto në Bullgari u rrit me 4.5% krahasuar me tremujorin e parë të vitit 2024 dhe arriti në 2296 leva ose 1174 euro, sipas të dhënave të Institutit Kombëtar të Statistikave. Aktivitetet..
Besimi i konsumatorëve u rrit në korrik me 5.6 pikë, sipas një sondazhi të Institutit Kombëtar të Statistikave. Sipas vlerësimit të përdoruesve, situata e përgjithshme ekonomike në vend për 12 muajt e fundit është në përmirësim, pritshmëritë për 12..
Pa diskutime dhe debate, parlamenti më në fund miratoi Ligjin për vënien e euros në qarkullim në Bullgari. Ligji u mbështet nga 167 deputetë nga GERB, Lëvizja për të Drejtat dhe Liritë (DPS) dhe "Po e vazhdojmë ndryshimin - Bullgaria Demokratike"..