Më 14 shtator, Kisha Ortodokse Bullgare kremton Lartësimin e Kryqit të Nderuar. Kjo është ndër dymbëdhjetë festat kryesore të krishtera. Në këtë ditë ne kremtojmë gjetjen e Kryqit të Shenjtë në të cilin u kryqëzua Jezu Krishti. Sipas librave të kishës, kryqi u zbulua në Jerusalem në shekullin e IV nga nëna e perandorit Konstantin i Madh - Shën Elena. Një pjesë e tij u dërgua në Kostandinopojë dhe një tjetër u vendos në Kishën e Ngjalljes së Krishtit në Jerusalem te Varri i zotit. Më 14 shtator të vitit 335, ky tempull u shenjtërua solemnisht dhe kryqi u nxor për adhurim të mijëra besimtarëve. Që atëherë, kjo ditë festohet si Lartësimi i Kryqit të Shenjtë, i njohur edhe si Dita e Kryqit. Një fragment i Kryqit të Shenjtë ruhet në tre kisha të Sofjes.
Kryqi, i quajtur edhe "shenja e shenjave" është një simbol i lashtë që haset në kulturat e shumë popujve në mbarë botën. Zakonisht lidhet me diellin dhe zjarrin, ose merret si ekuivalent e pemës botërore.
Një rëndësi të veçantë për të krishterin ka kryerja e shenjës së kryqit. Sipas predikuesve të krishterimit, ky është simboli më i thjeshtë i besimit, pa fjalë dhe i pranueshëm për të gjithë. Sipas traditës, njeriu bën kryq në hyrje në kishë, përpara se të ulet në tavolinë dhe të pi verë, përpara se të niset në rrugë dhe të fillojë punë. Mendohet se shenja e kryqit dëbon çdo lloj demonësh dhe të këqija.
Në kalendarin e krishterë, kryqi nderohet 4 herë në vit. Festa më e madhe kushtuar kryqit është më 14 shtator. Ajo lidhet me fillimin e vjeshtës. Besohet se atëherë dita dhe nata kryqëzohen, bëhen të barabarta dhe dielli merr rrugën drejt dimrit.
Mund të lexoni më shumë:
“Ka shumë vende në trojet bullgare që ruajnë kujtimin e luftërave për çlirimin kombëtar, por lavdia e Epopesë së Shipkës mbetet e patejkalueshme. Kështu shkroi presidenti Rumen Radev në faqen e tij në Facebook me rastin e 147-vjetorit të Epopesë së..
Ekspozita “Gruaja me shumë fytyra” me fotografi bardh e zi hapet me rastin e 90-vjetorit të aktores së madhe Tatjana Llollova. Fotot do të ekspozohen në Lulishten e Qytetit përballë Teatrit Kombëtar “Ivan Vazov”. “Tatjana pëlqente të luante. Po..
Në mesin e gushtit në qytetin Kjustendill të Bullgarisë Jugperëndimore shënohet festa “Panagija – Ngritja e Bukës”. Festa lidhet drejtpërdrejt me festën kishtare “Fjetja e Zonjës së Bekuar”, e kremtuar më 15 gusht. Sipas traditës, më 14 gusht, një..
Katedralja Patriarkale “Shën Aleksandër Nevski” kremton sot festën e saj. Tempulli i shenjtë, simboli i kryeqytetit bullgar, është një tempull monument, i..
Pjesërisht me re