Sistemi BG-ALERT lëshoi një paralajmërim evakuimi për banorët e pesë fshatrave në komunën Strumjani, për shkak të zjarrit të madh që shpërtheu në zonën e malit Maleshevska, afër kufirit me Maqedoninë e Veriut. Zjarri atje vazhdon të rritet dhe në shuarjen e tij u përfshin helikopterë, zjarrfikës dhe vullnetarë, njoftoi korrespondentja e BNR, Keti Trençeva. Pjesa e përparme e zjarrit është jashtëzakonisht e gjerë dhe era e komplikon më tej situatën. Në vendngjarje ndodhen dhjetëra makina zjarrfikëse. Në shuarje u përfshin edhe dy avionët francezë, pasi u thirrën në ndihmë për shkak të zjarrit në malin Sllavjanka. Ata po ngarkojnë ujë nga diga “Dospat” dhe për këtë sot dhe nesër ndalohet lundrimi i varkave dhe mjeteve të tjera në digë. Era e fortë e ngriti zjarrin në mal. Flakët tashmë mbuluan disa mijëra hektarë pyll.