Banka Bullgare për Zhvillim (BBR) po fillon financimin “pa limit” të industrisë së mbrojtjes në vendin tonë. Sipas ministrit teknik të inovacionit dhe rritjes Rosen Karadimov, kompleksi industrial ushtarak është një sektor strategjik për Bullgarinë dhe do të ishte nihilizëm kombëtar të mos i shërbente në një kohë kur ai është motor i rritjes ekonomike. Në një strategji të miratuar nga Këshilli i Ministrave BBR i është besuar “shërbimi i përgjithshëm bankar i kompleksit ushtarako-industrial pa kufizime, pa limite, duke trajtuar në mënyrë të barabartë si ndërmarrjet shtetërore ashtu edhe ato private, por vetëm prodhuesit”. Karadimov vuri në dukje se aksesi në Fondin e Inovacionit të NATO-së gjithashtu do të përshpejtohet. Drejtori ekzekutiv i "Terem" Kalin Dimitrov tha se kompleksi punon në projekte të shumta, duke përfshirë edhe ato ukrainase, si dhe në zhvillimin e mjeteve ajrore pa pilot.