Ljubo Kirov është ndër yjet e muzikës bullgare që kanë mbushur sallat më të mëdha gjatë viteve të fundit. Çdo këngë e tij e re emocionon publikun, i cili ka një arsye të re gëzimi – tashmë është gati albumi i ri i këngëtarit, “Zemra e re”. Në koncertin promovues u prezantua edhe kënga e fundit, e cila ia dha emrin albumit. Në të, si gjithmonë, teksti është nga Ljubo, muzika është kompozuar së bashku me një yll tjetër - Stanisllav Sllanev - Stenli, aranzhimi është bërë nga Angell Djullgerov - një kitarist dhe producent, me të cilin Ljubo punon në mënyrë aktive mbi projektet e tij të fundit.
“Unë marr lehtësisht vendime të guximshme për muzikën, tekstin dhe aranzhimet e këngëve të mia pa harruar se të gjitha janë një dhuratë për publikun, pa të cilin të gjithë jemi asgjë. Albumi “Zemra e re” është një pasqyrë e të gjithë spektrit të emocioneve dhe mendimeve që më emocionojnë për momentin dhe që do të doja t'i ndaja, shpresoj që sa më shumë njerëz ta gjejnë veten në këtë album dhe kur të takohemi në koncertet e ardhshme në të gjithë Bullgarinë, "gjithçka të bëhet një tërësi" - thotë Ljubo.
Dhe koncertet e “Turneut të ri 2024” të Ljubos nisën më 14 qershor me prezantimin e albumit dhe këngës së re. Për shkak të interesit të madh, në disa vende eventet do të zhvillohen në dy data. Finalja e madhe e “Turneut të ri” do të jetë më 28 nëntor në “Arena Sofja”.
Përgatiti në shqip dhe publikoi: Vesella Mançeva
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re kozmosit të tij muzikor. Më 19 shtator, në Sofje, muzikantët do të prezantojnë me një koncert..
Më 17 shtator Kisha Ortodokse Bullgare kremton dëshmoret e shenjta Sofia, Vjara, Nadezhda dhe Ljubov . Në këtë ditë shënojmë edhe festën e kryeqytetit tonë Sofje – një qytet i lashtë me histori mijëvjeçare. Kryeqyteti i Bullgarisë - Sofja..
Sot vera hyn në dhomat e klasës, bashkë me buzëqeshjen e fëmijëve... Dita e parë e shkollës është gjithmonë një shkak emocioni - si për më të vegjlit që shkelin pragun e shkollës për herë të parë, ashtu edhe për të rriturit që me mall kujtojnë ato..