Në Bullgarinë Perëndimore, rreth njëqind kilometra në jugperëndim të Sofjes, qyteti Zemen, i vendosur në brigjet e lumit Struma dhe rrethinat e tij nuk janë ndër destinacionet turistike më të njohura në vendin tonë, por interesi për këtë rajon është rritur me meritë në vitet e fundit. Njohësit e antikiteteve më shpesh vijnë këtu për shkak të Manastirit të Zemenit "Shën Joan Teologu", dhe adhuruesit e natyrës tërhiqen nga ujëvara piktoreske Pollska Skakavica.
Kisha e vogël në Manastirin e Zemenit "Shën JoanTeologu" është ndërtuar në shekullin e 11-të dhe është një nga monumentet më të vjetra të arkitekturës mesjetare bullgare. Ajo u pikturua dy herë - në shekujt XI dhe XIV. Nga piktura e parë në muret e saj, është ruajtur fytyra e Shën Anës. Një pjesë e madhe e pikturave murale të mëvonshme është ruajtur mirë. Në vitin 1966, Kisha e Zemenit u shpall monument i arkitekturës dhe pikturës bullgare dhe në vitin 2004 u bë degë e Muzeut Historik Kombëtar.
Kurioziteti tjetër në zonë që mbledh turistë të etur për natyrë gjatë fundjavave, siç u përmend, është ujëvara Pollska Skakavica, e cila spërkat ujërat e saj të freskëta nga një lartësi prej 52 metrash.
Mbi të ndodhet kisha e vogël "Shën Dhimitri", e ndërtuar në fund të shekullit të 19-të mbi themelet e një kishe më të vjetër.
Por nuk do të jetë më pak e këndshme për ju të largoheni nga shtigjet e shkelura mirë dhe të shijoni bukuritë bujare të Grykës së Zemenit të lumit Struma.
Gjelbërimi i harlisur që mbulon konturet e buta të kodrave përreth është i këndshëm për sytë dhe një kënaqësi për shpirtin. Dhe ajri është i ngopur me aromën e bimëve që rriten lirshëm.
Gjatë rrugës rrallë do të takoni njerëz ose kafshë, aty-këtu do të shihni shtëpi të vjetra të zhytura në vetminë e tyre.
Pamjet e mrekullueshme përreth do t'ju lënë pa frymë.
Shkëmbinjtë e çuditshëm do t’ju duken si një gjigant i ardhur nga përrallat, ose si një kështjellë, ku një princeshe e ka zënë gjumi në një ëndërr njëqindvjeçare dhe pret që princi i saj ta puthë dhe ta çlirojë nga magjia.
Foto: Miglena Ivanova
Përgatiti në shqip dhe publikoi: Vesella Mançeva
Banorët e Sofjes dhe mysafirët e kryeqytetit bullgar janë “të privilegjuar” me një mal që ngrihet aty pranë qytetit. Në më pak se 30 minuta, me ndihmën e teleferikut “Simeonovo-Aleko” dhe dy teleferikët e tjerë “Vitoshko Lale 1” dhe “Vitoshko Lale..
Një pamje mahnitëse zbulohet nga platforma panoramike “Orllovo Oko” (Sy Shqiponjë) në malin Rodopa. Atraksioni i njohur është një platformë që ndodhet në një shkëmb mbi fshatin Jagodina, në një lartësi 1500 m mbi nivelin e detit...
Në kulmin e stinës së verës, pushimet më të dëshiruara janë në breg të detit, për të cilin pothuajse çdo familje bullgare përpiqet të ndajë kohë dhe para. Bregdeti bullgar i Detit të Zi ofron mundësi të ndryshme për pushim, aktivitete..
Nëse kërkoni një destinacion për një shëtitje të këndshme në zemër të malit, mund të zgjidhni Llakatishka Rilla. Ju sugjerojmë të filloni nga fshati..
Vranësira
Pjesërisht me re
Vranësira të dendura