Nënpresidentja e Bullgarisë Ilijana Jotova u takua në Presidencë me ambasadorin e ri të Kosovës në vendin tonë, Shkëlqesia e tij Haxhi Bajraktari, njoftoi zyra për media e institucionit. Ndër temat kryesore të bisedës ishin garantimi i paqes dhe sigurisë në Ballkan, forcimi i marrëdhënieve dypalëshe dhe të drejtat e komunitetit bullgar në Kosovë. Ilijana Jotova dhe Haxhi Bajraktari ranë dakord se nevojitet një aktivitet më i madh për realizimin e bashkëpunimit dypalësh në sfera të ndryshme.
Ambasadori i Kosovës falënderoi shtetin bullgar për qëndrimin e tij konsistent në mbështetje të paqes në vendin ballkanik dhe të integrimit të tij ndërkombëtar dhe evropian. Nënpresidentja Jotova kujtoi se në vitin 2018 Bullgaria e vendosi temën e së ardhmes evropiane të vendeve të Ballkanit Perëndimor në fokus të Presidencës së saj të Këshillit të Bashkimit Evropian. “Nëse nuk ka stabilitet dhe paqe në Ballkan, nuk ka stabilitet dhe paqe për të gjithë Evropën”, theksoi nënpresidentja.
U diskutua edhe për të drejtat e komunitetit bullgar në Kosovë dhe hapat konkretë për njohjen e tij, si dhe për përfshirjen e tij në Këshillin Konsultativ të Presidentit të Kosovës. Haxhi Bajraktari siguroi Ilijana Jotovën se autoritetet e vendit do të marrin të gjitha masat e nevojshme për të parandaluar presionin mbi vetëvendosjen e qytetarëve të Kosovës me vetëdije bullgare gjatë regjistrimit të ardhshëm të popullsisë.
Në fund të takimit, Ilijana Jotova sugjeroi që në Sofje të organizohet një festival ballkanik, i cili do të prezantojë kulturën e popujve ballkanikë, me theks në komunitetet bullgare që jetojnë në Ballkan.
Më herët sot u njoftua se për herë të parë një delegacion i Ministrisë së Punëve të Brendshme të Bullgarisë, i kryesuar nga zëvendësministrja Ivelina Dundakova, është për një vizitë pune në Kosovë, ku Bardil Dobra, zëvendësministër i MPB-së së Kosovës, përgjegjës për reforma, ka mbajtur një takim, informoi BTA.
Gati 15 000 njerëz në Kosovë kanë identitet bullgarë. Në parlamentin e Prishtinës në 5 vitet e fundit janë dorëzuar 2 peticione me kërkesë që bullgarët të njihen si pakicë kombëtare dhe të përfshihen në Kushtetutën e Kosovës.
Lexoni më shumë:
Kryeministri i Republikës së Maqedonisë së Veriut: Nuk do të devijojmë nga anëtarësimi në BE, por nuk do të pastrojmë këpucë Duke vlerësuar 100 ditët e para të kabinetit të tij, kryeministri maqedonas Hristijan Mickoski raportoi se qeveria ia ka..
Për momentin nuk ka asnjë kërcënim të drejtpërdrejtë për vendin tonë nga përkeqësimi i mprehtë i mjedisit të sigurisë në Lindjen e Mesme - këtë konkluzion të mbledhjes tre orëshe të Këshillit Konsultativ për Sigurinë Kombëtare ua bëri të ditur..
Me dy fluturime të Airbus-it qeveritar brenda dy ditësh, shteti bullgar arriti të evakuojë 169 bullgarë dhe anëtarë të familjeve të tyre që u kthyen në shtëpi nga Libani pas përshkallëzimit të tensioneve atje. 80 bullgarë të tjerë u evakuuan me..
Një maqedonasе bëhet zëvendëssekretarе е përgjithshmе е NATO-s Sekretari i Përgjithshëm i NATO-s Mark Rutte emëroi Radmila Shekerinska nga..
Pjesërisht me re