Hapja zyrtare e sezonit të skijimit në pushimoren Pamporovo do të bëhet më 15 dhjetor, njofton uebfaqja “Pamporovo Ski”. Në ditën e hapjes, biletat e teleferikëve do të jenë me çmim promocional. Tashmë ka borë të mjaftueshme në majën Snezhanka dhe në rajonin Studenec. Do të nisë një teleferik i ri me gjashtë ulëse, është e rinovuar edhe zona jugore e skive.

Sezoni i dimrit në pushimoren Borovec gjithashtu fillon më 15 dhjetor. “Borosport” raporton se pistat janë gati, kurse qendra e skijimit “Sitnjakovo” ka një numër të madh topash të rinj bore të gjeneratës së fundit.

Fillimi i sezonit të ri dimëror në Bansko do të jetë më 16 dhjetor, njoftoi komuna. Hapja fillon në orën 09:30 në rajonin “Bënderishka Poljana” me lojëra dhe koncert, ndërsa skiatorë nga Bansko do të zbresin në pistën "Tomba". Pjesa e dytë e programit do të jetë në sheshin qendror nga ora 17:30 me një shfaqje kulinarie. Debora Kompanjoni dhe Mark Zhirardeli do të marrin pjesë në hapjen zyrtare të sezonit të skive 2023-2024 në orën 18:00.