Sot para 10 vitesh ndërroi jetë etnomuzikologu dhe producenti muzikor zviceran Marcel Cellier (1925-2013). Ai la një gjurmë të ndritshme në historinë e kulturës muzikore bullgare në vendin tonë dhe në mbarë botën. Marcel Cellier dhe gruaja e tij Catherine i kushtuan një pjesë të madhe të jetës së tyre folklorit bullgar - një dashuri që daton në mesin e shekullit të kaluar, kur dëgjuan për herë të parë këngë popullore bullgare të transmetuara në BNR - muzikë që i mahniti ata dhe lidhi jetën e tyre me “Misteri i Zërave Bullgarë”, kujton Arkivi i BNR-së. Ky është personi që i prezantoi botës shfaqjet e Ansamblit për Këngë Popullore të Radios Bullgare, i cili u bë i njohur në mbarë botën me emrin "Misteri i Zërave Bullgarë".

Marcel Cellier filloi bashkëpunimin me Radion Kombëtare Bullgare duke blerë disa regjistrime për një transmetim radiofonik në Zvicër kushtuar këndimit koral bullgar. Shfaqjet radiofonike 30-minutëshe transmetoheshin një herë në muaj nga viti 1960 deri në vitin 1990. "Misteri i Zërave Bullgarë", siç e quajti transmetimin Catherine Cellier, u bë një markë për Cellier. Në vitin 1975 doli albumi i parë me titull "Misteri i Zërave Bullgarë". Albumi i dytë me të njëjtin titull u nderua me çmimin "Grammy" në kategorinë "Regjistrimi më i mirë tradicional popullor" (Best Traditional Folk Recording) për vitin 1989.

• Bullgaria përshëndeti bullgarët në botë me “Misterin e Zërave Bullgarë”

• “Misteri i zërave bullgarë” prezanton projektin e vet të fundit në turneun evropian

• “Misteri i zërave bullgarë” me album të ri

• Një ekip zviceran xhiron një film për korin “Misteri i zërave bullgarë”