Deri në fund të nëntorit, policia kufitare bullgare ka ndaluar më shumë se 176 000 përpjekje të emigrantëve për të hyrë ilegalisht në BE. Kjo është një rritje prej 13% krahasuar me nëntorin 2022, bëri të ditur Ministria e Brendshme. Për muajin nëntor, një rënie sezonale prej 35% raportohet në tentativat për kalime të paligjshme të regjistruara. Të penguarit janë tërhequr në brendësi të vendeve fqinje. Situata më e tensionuar është përgjatë kufirit bullgaro-turk, ku është përqendruar 99% e presionit të emigrantëve. 175 500 janë tentativat për të depërtuar përmes kufirit bullgaro-turk. Pjesa tjetër është përgjatë kufirit bullgaro-grek. Atje rënia e rasteve është 86% krahasuar me vitin 2022. Sipas informacioneve të patrullave bullgare, autoritetet kufitare fqinje kanë ndaluar 616 emigrantë. Që nga fillimi i vitit 2023, në vend janë kapur 17 186 emigrantë të paligjshëm.