Kanë përfunduar të gjitha aktivitetet në lidhjen ndërsistemore të gazit midis Bullgarisë dhe Serbisë. Kjo do të lejojë një furnizim më të sigurt dhe më të qëndrueshëm të gazit nga burime të ndryshme, kryesisht nga Azerbajxhani, tha ministrja serbe e energjisë Dubravka Handanoviç, e cila inspektoi projektin strategjik për Beogradin. “Gazsjellësi Serbi-Bullgari është projekti i parë i madh energjetik që përfundoi në kohë. Vetëm një vit më parë filluam punën dhe në 12 muaj punë të përkushtuar u ndërtuan 109 km. Pres që gazsjellësi të vihet në punë testuese deri në fund të javës”, tha ministrja. Në hapjen zyrtare të tubacionit do të marrin pjesë presidentët e Bullgarisë dhe Azerbajxhanit.