Kompozitori i disa prej melodive më lirike në muzikën moderne bullgare pop - Momçill Kolev – më 14 nëntor feston ditëlindjen. I detyrohemi atij një sërë hitesh nga fundi i shekullit të XX-të, të cilat edhe më sot e kësaj dite i gëzojnë një popullaritet të gjerë. Veprat e tij janë pjesë e repertorit të shumë këngëtarëve dhe grupeve të njohura bullgare.
Momçill Kolev fitoi popullaritetin më të madh në një duet me Dobrin Vekilov - Doni (dueti "Doni dhe Momçill") në vitet 90- të shekullit të kaluar.
Së fundmi, Momçill Kolev u rikthye me një këngë të re - "Në përqafimin e një reje". Në të, përveç si kompozitor, e dëgjojmë sërish si këngëtar - diçka që sipas tij nuk ka ndodhur që nga viti 1998. Atëherë me Doni realizuan albumin e tyre të fundit, në të cilin Momçill interpretoi këngën "Zogjtë e fjetur".
“Në përqafimin e një reje” na sjell mesazhet e bukura melodike të kompozitorit Momçill Kolev, të veshur me fjalët e poetes Elica Getova. Kohët e fundit, Momçill punon me djalin e tij - Kallojan Kolev, i cili është autori i aranzhimit dhe tek i cili gjen frymëzim:
"Ai arrin disi të më kuptojë dhe të bëjë gjëra që më janë afër shpirtit. Unë nuk jam më një nga autorët "modern", pasi shpirti im ka mbetur diku në fund të viteve '90 dhe në fillim të vitit 2000, por djali im më ndihmon të jem të përditësuar dhe të tingëllojë moderne, për të cilën i jam pafundësisht mirënjohës” - thotë Momçil Kolev.
Edhe pse vazhdon të krijojë këngë, tërheqja e tij si interpretues që nga fillimi i mijëvjeçarit të ri është fakt. Çfarë ndryshoi në muzikë në 25 vitet e fundit nga këndvështrimi i tij?
“U shfaq muzika e re, e cila disi shkaktoi interes të madh tek muzikantët, pasi dolën shumë tinguj të rinj, gjë që e bëri tingëllimin shumë më të pasur, më interesant. Por në kurriz të kësaj, në mënyrë harmonike dhe melodike, gjërat u përkeqësuan. Kjo nuk e ndihmon shumë muzikën. Mendoj se ka shumë më tepër për të dëshiruar nga muzikantët dhe mjedisi që ata krijojnë. Ka nevojë për një frymë. Nevojiten ide të reja në tekst, mesazhe të reja, shpresa të reja, një ndjenjë të re dashurie - ky është në të vërtetë roli i muzikës.”
Përgatiti në shqip dhe publikoi: Svetllana Dimitrova
Foto: Yotube / @MomchilKolevOfficial, БТА
Fillimi i vitit 2025 është më se i frytshëm për këngëtaren Desi Dobreva – krahas udhëtimeve nëpër botë, ajo arriti të incizojë një këngë të dytë. Pas këngës së saj prej autori “Në fund të Tokës” , erdhi dhe incizimi i këngës popullore nga fshati..
Orkestra e Muzikës Popullore e Radios Kombëtare Bullgare, e drejtuar nga maestro Dimitër Hristov , po përgatit një turne pranveror në mars. Të ftuar specialë solistë të "Orkestrës së Solistëve" në koncerte do të jenë këngëtarët Petja Paneva dhe..
Viktoria Gllavçeva këndon që nga mosha 4-vjeçare dhe ka fituar një sërë çmimesh, por një popullaritet të veçantë fitoi pas pjesëmarrjes në formatin televiziv "Zëri i Bullgarisë". Gjysmë viti më vonë prezantoi këngën e saj të parë “Flakadani” me muzikë..
Kompozitori i këngëve për fëmijë Dono Cvetkov prezanton albumin e tij të ri "Ku jetojnë mrekullitë?" me një koncert të madh më 15 prill në Klubin..
Pak pasi grupi Jazzboree u dallua për debutimin në ceremoninë vjetore të renditjes TOP 20 të Radios Kombëtare Bullgare (BNR), këngëtarja е..
E lindur në një familje muzikantësh, Dani Ilieva këndon për më shumë se dhjetë vjet. Ajo mori pjesë në disa formate muzikore, por arritja e saj më e..
Pjesërisht me re
Vranësira të dendura