Nuk ka informacion të saktë se sa bullgarë ka në Rripin e Gazës. Këtë e tha për mediat kryeministri Nikollaj Denkov. Ai theksoi se aktualisht nuk ka asnjë lidhje me disa nga bashkatdhetarët tanë atje. Vendi ynë nuk mund të organizojë vetë një korridor humanitar për evakuimin e bashkatdhetarëve tanë nga atje. Aksioni për largimin e tyre mund të jetë “pjesë e përpjekjeve të përbashkëta për korridoret humanitare për të gjithë të huajt”. Në lidhje me bullgarët në Izrael, ai deklaroi se nëse është e nevojshme do të ketë më shumë fluturime evakuimi nga Tel Avivi me aeroplanin qeveritar. Denkov përsëriti se nuk ka rrezik të drejtëpërdrejtë për një fluks migracioni drejt Bullgarisë në ditët në vijim. “Duhet të përgatitemi për një zhvillim më të ashpër të valës së refugjatëve, por nuk presim një të tillë menjëherë”, vuri në dukje ai.