Autostrada “Trakia” mbetet e bllokuar prej 7 ditësh nga minatorët dhe punëtorët e energjetikës që protestojnë pranë qytetit Stara Zagora. Qafa e Republikës, Gëllëbovo-Radnevo, Radnevo-Nova Zagora dhe rruga kryesore Ruse-Svilengrad pranë fshatit Gllavan mbeten të mbyllura. Protestuesit ishin kategorikë se nuk do të lironin trafikun derisa të tërhiqeshin planet territoriale për kalimin në energjinë pa qymyr, të cilat kabineti i dërgoi Komisionit Evropian në fund të javës së kaluar.

Politikanët arritën të manipulojnë dhe ndajnë protestën e punëtorëve nga rajonet e qymyrit, thekson në qëndrimin e saj Konfederata e Sindikatave të Pavarura në Bullgari (KNSB). “Është një gënjeshtër e plotë se marrëveshja me pushtetarët pasqyron kërkesat e protestave, të provokuara nga vendimet e vonuara gjatë për tranzicionin e gjelbër”, njofton sindikata.

Kryetari i grupit parlamentar të “Ka një popull të tillë”, Toshko Jordanov, nga foltorja në sallën plenare, grisi vendimin e miratuar nga shumica e deputetëve në mbështetje të marrëveshjes së lidhur energjetike. Ai e cilësoi vendimin si “të pakuptimtë” dhe shprehu mbështetjen për vazhdimin e protestave dhe bllokadave.

• Minatorët dhe punëtorët e energjetikës në protestë parashtruan gjashtë kërkesa
• Nikollaj Denkov: Ka pajtim për hartimin e një strategjie energjetike 
• Parlamenti miratoi marrëveshjen me energjetikët