Për të hyrë në Shengen, duhet të sigurojmë opinionin shoqëror në Austri, dhe jo vetëm politikanët, se Bullgaria është një anëtare e besueshme e BE-së, i ruan mirë kufijtë e saj dhe e meriton të jetë pjesë e kësaj hapësire, tha presidenti Rumen Radev në selinë e OKB-së. Para kësaj, në margjinat e Asamblesë së Përgjithshme, Radev bisedoi me kolegun e tij austriak Aleksandër Van der Belen.

Presidenti kujtoi se brenda gjysmë viti ai vizitoi Austrinë dy herë me ftesë të kancelarit Karl Nehamer dhe presidentit Van der Belen, për të prezantuar qëndrimet e tij, përveç para politikanëve, edhe para shoqërisë, medias, diplomatëve dhe përfaqësuesve të akademisë. “Prandaj, e inkurajoj kryeministrin Denkov që sa më parë të vizitojë Austrinë dhe ta ftojë kancelarin Karl Nehamer, ashtu siç e ftova unë dhe shkuam së bashku në kufi”, tha Radev.