“Llukoill Neftohim Burgas” do të përmbushë angazhimin e tij për të kaluar në përpunimin jo-rus të naftës, thanë përfaqësuesit e kompanisë në një takim me kryeministrin Nikollaj Denkov. Ata diskutuan afatet për këtë, para skadimit të derogimit nga BE për Bullgarinë për të importuar naftë ruse deri në fund të vitit 2024. Denkov kërkoi që “Llukoill” të paguajë rregullisht taksat paradhënie në buxhetin e shtetit. Përveç taksës së korporatës 10%, me ligj kompania duhet të paguajë edhe një kontribut solidariteti të përkohshëm prej 33%. Përfaqësuesit e “Llukoill” konfirmuan gatishmërinë e tyre për të përmbushur detyrimin e tyre, njoftoi qeveria.

Bullgaria pret furnizime të besueshme dhe çmime të parashikueshme të karburantit. Këtë e deklaroi edhe presidenti Rumen Radev në një bisedë me menaxhmentin e Kompanisë “Llukoill” pas takimit të tyre me kryeministrin.