2349 shkolla bullgare do të hapin dyert më 15 shtator për ditën e parë shkollore. Gjithsej 702 mijë do të jenë nxënësit nga klasa e parë deri në klasën e 12-të, mbi 57 mijë prej tyre do të kalojnë për herë të parë pragun e shkollës. Këtë e bëri të ditur kryeministri Nikollaj Denkov në një konferencë për shtypin në Këshillin e Ministrave. Me miratimin e buxhetit për vitin 2023, pagat e mësuesve u rritën me 15%, gjë që siguroi ruajtjen e nivelit prej 125% krahasuar me pagën mesatare në vend, kujtoi kryeministri. Vazhdon puna për digjitalizimin e procesit arsimor. Të gjitha tekstet deri në klasën e shtatë do të digjitalizohen që në ditën e parë të shkollës.

Denkov theksoi gjithashtu se 30 000 fëmijë bullgarë në 43 vende do të mësojnë në 398 shkolla të së dielës dhe në dy shkolla publike bullgare.