Gjendja e jashtëzakonshme në komunën Carevo mbetet në fuqi derisa të zhduken të gjitha rreziqet për popullatën, vendosi shtabi lokal i krizës. Nuk ka afat të caktuar për heqjen e gjendjes së jashtëzakonshme, tha nënkryetari i komunës Marin Kirov. Vazhdon instalimi i urës së përkohshme në vendin e atij të shembur në rrugën Carevo-Ahtopoll, shtoi Kirov. Trafiku merr një rrugë të tërthortë përmes fshatrave të largëta në Stranxha. Shkak i përmbytjes nuk janë luginat e papastra, por pellgu i madh ujëmbledhës, pas reshjeve të mëdha, komentoi edhe Kirov.

Priten rezultatet e mostrave të ujit të pijshëm, të cilët autoritetet shëndetësore i shpallën të papërshtatshëm për pije. Mostra të ujit do të merren më shpesh, tha për bTV ministri i shëndetësisë Prof. Hristo Hinkov dhe theksoi se tani për tani uji në rajon është i përshtatshëm vetëm për nevojat shtëpiake.