Në edicionin e 87-të të Panairit Ndërkombëtar, i cili do të mbahet nga 9 deri më 17 shtator në Selanik, Bullgaria do të jetë vendi i nderuar në Panairin Ndërkombëtar dhe Qendrën e Kongreseve në Selanik. Pjesëmarrja jonë në panair organizohet nga Ministria e Ekonomisë dhe Industrisë, e cila njofton se afro 60 kompani dhe organizata bullgare nga sektorë të ndryshëm do të tregojnë në Selanik fytyrën e re teknologjike të Bullgarisë”. Midis tyre janë organizata dhe institucione si Agjencia Bullgare e Investimeve, Universiteti Teknik në Sofje, Akademia Bullgare e Shkencave dhe të tjera. Do të prezantojnë aktivitetet e tyre dhjetëra kompani bullgare nga sektorë të ndryshëm si teknologjia e lartë dhe IT, kompani që kanë të bëjnë me industrinë ushqimore, arsimin, transportin, inxhinierinë e të tjera.