Rreth 100 garues nga 29 shtete do të marrin pjesë në Kupën e Botës Parkour, që nis sot për herë të tretë në Sofje. Gara do të mbahet në hyrjen qendrore të sallës “Arena Sofja” në ditët deri më 10 shtator nga ora 09:00 deri në orën 17:00. Bullgaria do të përfaqësohet me gjashtë garues - pesë meshkuj dhe një femër, në disiplinat “shpejtësi” dhe “stili i lirë”. Sipas legjendës së gjimnastikës sportive bullgare, Jordan Jovçev, pista e garës është “më e mira në botë”.

Hyrja për publikun është falas. Organizatorë janë Federata Bullgare e Gjimnastikës dhe Federata Ndërkombëtare e Gjimnastikës, me ndihmën e Ministrisë së Rinisë dhe Sportit dhe Bashkisë Metropolitane.