Qyteti Vidin për të katërtin vit radhazi është nikoqir i Festivalit Folklorik Ndërkombëtar “Danubi i Kaltër”. Aktiviteti në Parkun e Danubit në qytet do të vazhdojë deri të dielën – 3 shtator.

Misioni i madh i festivalit është ruajtja, promovimi dhe zhvillimi i folklorit, mënyrës së jetesës, kulturës dhe prodhimit vendas bullgar. Për këtë qëllim, në programin treditor do të dalin në skenë shumë artistë të njohur popullor.

Në skenën verore përballë Galerisë së Arteve "Nikolla Petrov" do të shfaqen grupe amatorësh nga rajoni veriperëndimor, por edhe nga Kjustendili, Pazarxhiku, Varna, Svishtov etj.

Rreth sheshit të Vidinit janë organizuar pavione të zanatçinjve dhe prodhuesve të ushqimeve dhe pijeve tradicionale.

Më 2 shtator, në kulmin e programit të festivalit, publiku do të shijojë një spektakël të vërtetë të paraqitur nga Ansambli Shtetëror Folklorik “Filip Kutev”. 

Përpiloi: Gergana Mançeva