Qyteti bregdetar Varna pret bienalen më të madhe grafike në Ballkan. Këtë vit, në të prezantohen piktorë nga 53 vende, me një pjesëmarrje shumë të fortë të krijuesve nga Meksika, Tajlanda, Japonia. Marrin pjesë edhe piktorë nga Afrika e Jugut, Bangladeshi, Kili, Porto Riko, Polonia, Kanadaja, Republika Dominikane.
Bienalja Ndërkombëtare e Grafikës në Varna nuk është vetëm më e madhja në Gadishullin Ballkanik, por edhe një nga më të gjatat në botë. Historia e saj më shumë se 40-vjeçare e rendit atë ndër ngjarjet më të autoritetshme që tregojnë tendencat në artin grafik botëror dhe atë bullgar. Nga afro 623 grafika të huaja të paraqitura nga 390 autorë, këtë vit për pjesëmarrje u përzgjodhën 210 autorë, ndërsa në paraqitjen bullgare u përfshin 114 autorë me gjithsej 158 grafikë.
Pjesëmarrësit nga Tajlanda vendosën një lloj rekord për prezantimin e autorëve më të rinj. Më shumë punime se zakonisht vijnë edhe nga Maqedonia e Veriut fqinje. “Kjo dëshmon se Bienalja e Varnës është një forum i kërkuar nga piktorë në vende të ndryshme dhe konfirmon autoritetin e saj me çdo edicion të mëpasshëm” - thekson drejtori i Galerisë së Arteve Grafike në kryeqytetin tonë detar Vencesllav Antonov: “Në këtë edicion, tashmë pas pandemia, ndihet një qetësim mes grafikëve. Na vjen mirë që pjesëmarrja bullgare është padyshim më e mira për shumë vite”.
Forumi organizohet në sallat e Galerisë së Arteve të Qytetit “Boris Georgiev”.
Përpilues: Gergana Mançeva
Përgatiti në shqip: Svetllana Dimitrova
Interpretuesit e vallëzimeve klasike indiane do të zhytin Burgasin në ritmin e kulturës indiane më 14 gusht në orën 20:30 në skenën e hapur "Kërmilli" në Kopshtin e Detit, njoftoi Bashkia e Burgasit. Programi Rasa-Nishpatti përmban..
Ekspozita e përbashkët “Dialogu” e Kënço Kënev dhe Valeri Llazarov me koreanen Çoi Xhi Yn prezantohet në Galerinë e Arteve në Ruse. "Bota ndjen një nevojë të madhe për dialog dhe tolerancë. Në këtë mjedis të tensionuar ndërkombëtar, njerëzit..
Çepellare u bë një strehë krijuese për 10 gra shkrimtare nga Bullgaria, Spanja, Polonia, Ukraina, Belgjika, Britania e Madhe dhe Serbia, raportoi BTA. Qyteti i Rodopeve pret për të dytin vit rezidencën e shkrimtareve “Gratë në mal”, e..