Digat në vendin tonë kanë vëllimet e lira të nevojshme për thithjen e masave ujore dhe respektohen vëllimet e përcaktuara të kontrollit. Në njoftimin e Ministrisë së Bujqësisë dhe Ushqimit thuhet se u ndërmëarën të gjitha veprimet e mundshme për parandalimin e përmbytjeve. Krahas kësaj u sigurua monitorimi 24 orësh i objekteve.

Në të njëjtën kohë, rajoni i Plovdivit është në alarm emergjent, për shkak të reshjeve të mëdha të pritshme dhe rrezikut që lumenjtë Marica dhe Strjama të derdhen në zonat e qytetit Stambolijski dhe komunës Marica.

Situata në rajonin e qytetit Montana vazhdon të jetë kritike. Përveç qytetit Berkovica, janë të përmbytur edhe fshatrat Borovo dhe Gavrill Genovo. Vazhdon pompimi i ujit nga digat e afërta “Klisurica” ​​dhe “Smirnenski”.

Lagje të përmbytura ka edhe në Sofje. Në “Suhodoll”, “Simeonovo” dhe “Dragalevci”, ekipet e zjarrfikësve pompojnë ujin nga shtëpitë e përmbytura.

U shpall një kod portokalli për 9 rajone në Bullgarinë Perëndimore dhe Qendrore dhe një kod i verdhë për 7 rajone në Bullgarinë Qendrore, Veriore dhe Jugperëndimore.