Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Mosmarrëveshje në Parlamentin në Sofje nëse një eurodeputet i tradhton interesat bullgare

Toshko Jordanov
Foto: BGNES

Veprimet e eurodeputetit Ilhan Kjyçyk, i zgjedhur nga kuota e Lëvizjes për të Drejtat dhe Liritë (DPS), i cili duhet të përfaqësojë Bullgarinë në Parlamentin Evropian, janë tradhti kombëtare, tha deputeti Toshko Jordanov nga "Ka një popull të tillë" (ITN) në një deklaratë nga foltorja e Parlamentit bullgar. Sipas Jordanovit, Kjyçyk, i cili është raportues në Parlamentin Evropian për Maqedoninë e Veriut, ka hequr nga projektraporti për përparimin e vendit drejt BE-së amendamentin 18, i cili përfshin të gjitha çështjet dypalëshe midis Shkupit dhe Sofjes.

“Nga kjo foltore, përfaqësuesit e popullit si Toshko Jordanov, flasin gënjeshtra të hapura pa iu referuar fakteve”, u përgjigj kreu i DPS-së Mustafa Karadajë.

Ndërkohë, Bundestagu gjerman votoi që Shkupi duhet të ndryshojë kushtetutën e Maqedonisë së Veriut siç është rënë dakord me Bullgarinë dhe të njohë pakicën bullgare në mënyrë që të përshpejtojë integrimin e vendit në BE. Vendimi i koalicionit qeverisës në Gjermani në mënyrë eksplicite e njeh ekzistencën e gjuhës, kulturës dhe identitetit maqedonas.

Eurodeputeti bullgar Andrej Kovaçev e cilësoi vendimin e Bundestagut si një fenomen të çuditshëm. “Nuk kam dëgjuar për një fenomen tjetër të ngjashëm në planetin tonë, ku një vend është aq i pasigurt për identitetin, gjuhën dhe kulturën e tij, saqë duhet t'i kërkojë një vendi tjetër nëpërmjet një vendimi politik të një organi legjislativ të njohë gjuhën, kulturën dhe identitetin e tyre. Kolegët, fqinjët dhe miqtë tanë në Shkup nuk duhet të shqetësohen për të pasur një identitet, gjuhë dhe kulturë moderne, por e kuptoj se ata duan të tregojnë një vazhdimësi historike që është e ndryshme nga ajo bullgare.Kjo është baza e problemit tonë. Nga këtu vjen diskriminimi dhe gjuha e urrejtjes dhe të gjitha problemet që kemi,këto nuk janë probleme dypalëshe, janë probleme që lidhen me të drejtat themelore të njeriut dhe vlerat evropiane”, thotë Kovaçev.



Последвайте ни и в Google News Showcase, за да научите най-важното от деня!

Më shumë nga rubrika

"Takoni kukullat" në Teatrin e të rinjve më 22 mars

Teatri i të rinjve të Sofjes "Nikollaj Binev" fton fëmijët të njihen nga afër me kukullat e tyre të preferuara. Aktiviteti organizohet me rastin e Ditës Botërore të Teatrit të Kukullave, të cilën e festojmë më 21 Mars. Qëllimi është që publiku t'i..

botuar më 25-03-22 6.10.PD

Parashikimi i motit për fundjavën

Të shtunën temperaturat minimale do të jenë nga minus 2 deri në 3°. Në Sofje do të jetë rreth 0°. Gjatë ditës do të mbajë mot me diell me vranësira të shpërndara të larta, kryesisht mesatare, të konsiderueshme dhe të larta mbi Bullgarinë Veriore..

botuar më 25-03-21 7.40.MD

Ministri i bujqësisë premtoi mbrojtjen e bujqve

"Ne mbrojmë prodhuesit bujqësorë dhe interesin publik. Në hartimin e projektligjit jemi udhëhequr vetëm nga ky qëllim." Këtë e bëri të ditur ministri i bujqësisë dhe ushqimit, Georgi Tahov, në një takim me përfaqësues të zinxhirëve të shitjes me..

botuar më 25-03-21 6.09.MD