Me 16 vota “pro” dhe 4 vota “kundër”, Plenumi i Këshillit të Lartë Gjyqësor vendosi shkarkimin e parakohshëm të Ivan Geshev nga posti i prokurorit të përgjithshëm të Bullgarisë.

Propozim për këtë e bënë katër prej anëtarëve të Kolegjit të Prokurorisë, për shkak të një deklarate që cenon prestigjin e gjyqësorit. Votimi u zhvillua në mungesë të prokurorit të përgjithshëm.

Ivan Geshev mori detyrën si kryeprokuror i Bullgarisë në fillim të vitit 2020. Emërimi i tij shkaktoi një valë pakënaqësie dhe protestash midis bullgarëve brenda dhe jashtë vendit duke kërkuar përfundimin e mandatit të tij. Në fund të majit 2023, gjatë prezantimit të saj si kandidate për kryeministër me mandatin e forcës së parë politike në Legjislaturën e 49-të të Kuvendit Popullor, Maria Gabriel, zëvendëskryeministre dhe ministre aktuale e punëve të jashtme, njoftoi se largimi i Geshev do të jetë prioritet në punën e qeverisë së koalicionit.

Pas vendimit të Këshillit të Lartë Gjyqësor, kreu i shtetit Rumen Radev duhet të nënshkruajë dekret për lirimin e Ivan Geshev nga posti i “prokurorit të përgjithshëm”.

• Ivan Geshev shpreson të mos hyjë në “grafikun politik” të Peevskit dhe Borisovit
• Kryeprokurori kërkoi të fliste në parlament për korrupsionin