Kuvendi Popullor miratoi në lexim të parë ndryshimet në Ligjin për të Huajt. Me ato aplikohen masa për zbatimin e rregulloreve evropiane për përdorimin e Sistemit të Informacionit Shengen me qëllim kthimin e shtetasve nga vendet e treta që qëndrojnë ilegalisht në vend. Theksi vihet në sinjalet për persona të zhdukur dhe të cenueshëm, të cilët duhet të pengohen të udhëtojnë për të siguruar mbrojtjen e tyre, ose për të parandaluar kërcënimet ndaj sigurisë dhe rendit publik. Masave kufizuese ekzistuese i shtohet edhe vendosja e masës administrative shtrënguese “ndalimi i daljes nga vendi” nëse ekziston rreziku që personat të bëhen viktima të trafikimit të qenieve njerëzore. Parashikohet një procedurë e përshpejtuar për apelimin e refuzimeve të autorizimit të udhëtimit.