Bota ortodokse kremton festën e Shpirtit të Shenjtë. Ajo shënohet gjithmonë në ditën pas Rrëshajave.

Për bullgarët, Shpirti i Shenjtë është edhe një ditë e zgjimit të kujtesës kombëtare, ditë proteste kundër grabitjes dhe falsifikimit të së vërtetës historike për identitetin kombëtar dhe kulturor të bullgarëve në Maqedoni. Që nga viti 1923, pas Luftës së Parë Botërore, Dita e Shpirtit të Shenjtë shënohet edhe si Ditë e Maqedonisë. Kjo ditë është simbol i shpirtit të paepur të bullgarëve në Maqedoni. Deri në grushtin e shtetit pro-serb të 19 majit 1934, në Sofje u mbajt një marshim i refugjatëve maqedonas Ditën e Shpirtit të Shenjtë. Ata kaluan nëpër rrugët qendrore të kryeqytetit pranë ambasadave të Fuqive të Mëdha, në shenjë proteste kundër dispozitave të padrejta të Traktatit të Njoit dhe me kërkesë për lirinë e bullgarëve maqedonas.