Eurodeputeti nga Aleanca Progresive e Socialistëve dhe Demokratëve Ivo Hristov votoi “kundër” projektligjin për rritjen e prodhimit të municioneve dhe raketave në BE dhe përshpejtimin e dërgimit të tyre në Ukrainë. Deputetët e mbetur bullgarë nga grupi u abstenuan. Projektligji u miratua sot me shumicë të madhe.

Për korrespondentin e BNR-së në Bruksel, Angelina Piskova, eurodeputeti Petër Vitanov nga socialistët deklaroi se e përkrah projektligjin në pjesën për rritjen e aftësive mbrojtëse të BE-së. “Është mirë të kemi fonde që stimulojnë aftësitë mbrojtëse të BE-së. Ky është një hap drejt emancipimit të BE-së, drejt zhvillimit të një sektori të rëndësishëm për Bullgarinë. Në kompleksin ushtarako-industrial bullgar punojnë 50 mijë njerëz.” Megjithatë, sipas Vitanovit, BE-ja duhet të bëjë më shumë përpjekje në kërkimin e nismave paqësore. Deputetët bullgarë nga grupet e tjera politike e mbështetën projektligjin.