PP-DB rinovoi negociatat për formimin e një kabineti me mandatin e dytë me GERB-SDS në Kuvendin Popullor, të udhëhequr nga të nominuarit për kryeministra nga të dy koalicionet, Nikollaj Denkov dhe Maria Gabriel, dhe në prani të liderëve të formacioneve politike. Për momentin, nuk është e qartë se çfarë kushtesh specifike janë vendosur nga GERB dhe çfarë lëshimesh janë gati të bëjnë “Po e vazhdojmë ndryshimin - Bullgaria Demokratike” (PP-DB). Nikollaj Denkov, i propozuar nga PP-DB për kryeministër, konfirmoi edhe një herë formulën për një kabinet ekspertësh. Sipas tij, në kabinet nuk do të ketë ministra nga GERB.

“Vëzrazhdane” bëri thirrje për kthimin e mandatit dhe zgjedhje të parakohshme. Kreu i Lëvizjes për të Drejtat dhe Liritë (DPS) Mustafa Karadajë u shpreh kategorikisht kundër një qeverie me pjesëmarrjen e “Po e vazhdojmë ndryshimin”, pavarësisht qëndrimit të DPS-së për nevojën e një kabineti të rregullt.