Ministrja e Sportit Vesella Leçeva uroi sportistët, trajnerët dhe aktivistët sportivë me rastin e Ditës së Sportit Bullgar, 17 majit. Ajo u uroi sportistëve bullgarë përgatitje të suksesshme për Olimpiadën e Parisit dhe arritjen e qëllimeve të dëshiruara. Leçeva kujtoi se më 17 maj të vitit 1894, nga Zvicra në Sofje erdhën 10 mësuesit e parë të fizkulturës me detyrën për të hedhur themelet e sportit në Bullgari. Më të famshmit prej tyre ishin Sharlll Shampo dhe Lui Ajer. Për herë të parë në Bullgari zviceranët sollën topa futbolli dhe pajisje të ndryshme gjimnastikore. Ata gjithashtu themeluan organizatën ikonike të gjimnastikës “Junak”. Shampo ishte pjesëmarrësi i parë për Bullgarinë në Lojërat Olimpike Verore - në vitin 1896 në Athinë.

Me propozim të Agjencisë Shtetërore për Rininë dhe Sportin dhe me vendim të Këshillit të Ministrave të datës 4 gusht 2006, 17 maji u shpall Dita e Sportit Bullgar dhe festë profesionale për ata që punojnë në fushën e sportit.