Tridhjetë vjet më parë kompozitori i madh bullgar Stefan Diomov shkroi këngën "Përshëndetje, si je miku im". Rasti ishte një koncert i përbashkët në vitin 1994 në Burgas i këngëtarëve të dashur bullgarë nga grupet "Tonika" dhe "Domino", të mbledhur në një formacion të përbashkët - Familja Tonka. “Ribashkimi i tyre, pas peripecive të ndryshme, më nxiti të shkruaj një këngë për miqësinë, dhe teksti i Pejo Panteleev u përshtat në mënyrë ideale”, kujton Diomov.
E krijuar pa pritshmëri të mëdha për ndonjë sukses të mundshëm, por shumë personale, kënga u bë një nga emblemat e muzikantëve dhe sot shënon një sukses të ri botëror në historinë e saj. Me tekst në anglisht, një aranzhim të ri, një tingull country dhe interpretuar nga Nejko Gençev i njohur me pseudonimin Barney Esville dhe ylli i ri i country muzikës nga Neshville, Sarah Harralson, "Hello My Friend" debutoi drejtpërdrejt në vendin e 23-të në klasifikimin e muzikës Hotdisc TOP 40. E gjithë kjo po ndodh falë Nejko Gençevit, muzikant profesionist dhe aktualisht nënkryetar i qytetit të Veliko Tërnovës. Ai luan gjithashtu në shumicën e instrumenteve, dhe në album shfaqen muzikantë të shquar në studio nga Meka e muzikës country të Nashville.
Postproduksionin e ka bërë kitaristi legjendar i „Diana Express“ Maksim Goranov. Stefan Diomov pranon se kur i kërkun për leje për të bërë një version anglisht të këngës së tij, ai nuk kishte shpresa të mëdha se ajo do të arrinte në top listat botërore. Por sot, ai shikon me krenari se si çdo ditë merr miratimin e mijëra dashamirësve të rinj të muzikës nga e gjithë bota në internet. “Kjo tregon se një këngë e mirë mund të tingëllojë njësoj e mirë në të gjitha gjuhët”, theksoi kompozitori për gazetën e përditshme kryeqytetase.
Për BTA, muzikanti Nejko Gençev shpjegon se klasifikimi "Country Top 40" është formuar nga opinionet e më shumë se 1000 drejtuesve të shfaqjeve të muzikës country, DJ-ve dhe gazetarëve dhe transmetohet nga 1000 radio në mbarë botën që janë në partneritet me radion country të Nashville. Kënga "Hello, My Friend" hyri në listë pasi konkurroi me më shumë se 300 aplikime të reja për muajin maj. Është suksesi i dytë i madh për Gençevin dhe muzikën bullgare, pasi në fillim të vitit kënga "Live for the Day" (versioni i ri i këngës "Jeto për momentin" të Rosi Kirillova) mbeti në të njëjtin klasifikim për më shumë se tre muaj. Për ne bullgarët, mbetet të krenohemi me jetën e re që u ofron gjuha angleze evergreeneve bullgarë dhe të shikojmë sesi ajo “kalon nëpër sheshet e huaja” dhe kërkon audiencën e saj.
Ja dhe versioni origjinal i këngës, kënduar për here të parë nga grupi legjendar Familia Tonika:
Teksti: Vesella Krësteva
Përgatiti në shqip: Kostandina Bello
Foto: facebook.com/HotdiscTop40Lyrra është pseudonimi artistik i këngëtares së re Ljubomira Pavllova. Para se të fillonte të performonte si artiste e pavarur, ajo fitoi famë nga pjesëmarrja e saj në formacionet e njohura folklorike, si "Misteri i zërave bullgarë", "Çinari",..
I riu Cvetelin Nakov është shumë i emocionuar duke na ofruar këngën e tij të parë "Mos ik". Në përputhje me stilin e tij emocial, Rafi Zhamakorcjan krijon një tingull dramatik me muzikë dhe aranzhim bazuar në poezinë e poetit të madh Damjan..
“Pa ty nuk ka dashuri” është kënga e fundit e Maksim Jallnëzov. Përveç se është interpretues, ai është edhe autor i muzikës dhe tekstit. “Pa ty nuk ka dashuri ” i kushtohet muzikës, si pjesa më e bukur dhe më kuptimplote e jetës së artistit të ri...
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e..