Kandidatja për kryeministre e GERB-SDS Maria Gabriel bisedon me grupin e forcës së dytë politike në parlament PP-DB, në prani të përfaqësuesve të GERB-SDS. Lideri i GERB-it, Bojko Borisov, i cili më vonë iu bashkua bisedimeve, tha se përfundimi i parë i këtij takimi ishte se dy koalicionet kanë shumë pikëtakime.

Nga ana e tij, bashkëkryetari i “Po e vazhdojmë ndryshimin” Kirill Petkov tha se problemi mes dy koalicioneve i ka rrënjët në mungesën e besimit. Borisov theksoi se në mesin e PP-DB ka njerëz që në emër të Bullgarisë mund të bëjnë një kabinet të mirë për ta sjellë Bullgarinë në një nivel rrënjësisht të ndryshëm, sepse qeveritë e përkohshme nuk janë zgjidhje e mirë. “Ne kemi një shans - Planin e Rimëkëmbjes, fondet evropiane, me kapacitetin tonë për të përfunduar detyrat”, vuri në dukje gjithashtu Bojko Borisov. Në përgjigje, Kirill Petkov theksoi se në një vend normal bisedohet për prioritete, jo për vende, mashtrime, korrupsion. Petkov përkujtoi se PP-DB kanë vendime të organeve të tyre kombëtare që të mos mbështesin mandatin e parë të GERB-SDS.

• Qeveria e GERB-it do të kërkojë lirimin e kryeprokurorit