Mirë që ndërrova makinën në minutën e fundit. Sa mirë që nuk vranë dikë! Unë jam i shqetësuar për fëmijët, ata u trembën shumë, komentoi prokurori i përgjithëshëm Ivan Geshev për faqen epicenter.bg pas shpërthimit në makinën e tij. Ai po udhëtonte me gruan dhe dy vajzat e tij nga qyteti Samokov për në Sofje kur një bombë shpërtheu pranë makinës së tij mesditën e 1 majit. Zëdhënësja e kryeprokurorit Sijka Mileva tha se Ivan Geshev nuk dha dhe nuk do të japë deklaratë zyrtare për rastin.

Kryeministri në detyrë Gëllëb Donev do të mbledhë në orën 10:00 të datës 2 maj krerët e Ministrisë së Brendshme dhe përfaqësues të shërbimeve speciale dhe prokurorisë për të diskutuar mbi veprimet e institucioneve pas tentativës. Në orën 11, prokurorët dhe hetuesit do të dalin përpara gjykatave në vend. Protesta do të tregojë unitet kundër përpjekjeve për t’i kërcënuar ata, sqaroi organizata e magjistraturës.

• Prokurori i Përgjithshëm ka qenë objektiv i një atentati, sipas hetimeve   
• Partitë dënojnë tentativën ndaj Prokurorit të Përgjithshëm