Rajoni i Detit të Zi u bë një zonë strategjike kyçe e konfrontimit midis Rusisë dhe Perëndimit. Bullgaria mbështet forcimin e angazhimit të NATO-së, e udhëhequr nga të kuptuarit se Krahu Lindor i Aleancës dhe rajoni i Detit të Zi janë një segment i rëndësishëm i sigurisë së hapësirës euroatlantike. Këtë e deklaroi shefi i mbrojtjes, admirali Emill Eftimov, në një forum ushtarak në Sofje. Sipas zëvendës ministres së mbrojtjes Teodora Gençovska, Bullgaria po zhvillon aktualisht një strategji kombëtare të mbrojtjes me fokus të veçantë në rajonin e Detit të Zi. “Kjo është një strategji që mbështetet plotësisht nga qeveria e SHBA-së, e cila përfshin përpjekje diplomatike dhe ekonomike. Ne e kuptojmë mirë se rajoni i Detit të Zi mbart një sërë kërcënimesh dhe rreziqesh. Kjo është arsyeja pse ne vazhdojmë përpjekjet për të punuar së bashku për të përballur këto kërcënime”, theksoi Admirali Stuart Munch, komandant i Forcave Detare të SHBA-së për Evropën dhe Afrikën dhe komandant i Komandës Aleate të NATO-së në Napoli.

• Strategjia e sigurisë në rajonin e Detit të Zi po diskutohet në Sofje