Radan Kënev, kreu i "Bullgarisë Demokratike" (DB), pjesë e koalicionit që zuri vendin e dytë në zgjedhjet parlamentare të 2 prillit, deklaroi se nuk sheh opsion për koalicion me GERB-in. “Ne nuk kemi mandat politik nga votuesit tanë për të formuar një qeveri koalicioni me GERB-in, sepse kemi premtuar pikërisht të kundërtën gjatë fushatës zgjedhore”, tha ai. Sipas tij, ka formula për formimin e qeverisë që nuk janë koalicion politik. Kënev i cilësoi si thashetheme pohimet e ish-deputetit të “Po e vazhdojmë ndryshimin” (PP) Ivan Hristanov se një ministër përgjegjës e ka informuar për negociatat mes GERB-it dhe DB-së për formimin e qeverisë. Dje edhe PP njoftoi se nuk do të marrë pjesë në koalicion me GERB-in. 

Konferenca e parë për media e PP-DB pas zgjedhjeve është planifikuar për të premten.