Për të tretën ditë radhazi, prodhuesit e drithërave protestuan kundër importit të drithit të lirë ukrainas. Disa prej tyre bllokuan pikën kufitare pranë fshatit Kardam, duke hedhur një rimorkio plot me luledielli në rrugën drejt kufirit me Rumaninë. Sipas Radostina Zhekovës, kryetare e Sindikatës së Prodhuesve të Drithërave të Dobruxhës, prodhimi që mbetet në magazina kap vlerën e rreth 3.5 miliardë leva (1.7 miliardë euro).

Pas takimit të mbrëmshëm të përfaqësuesve të industrisë me presidentin Rumen Radev, u bë e qartë se vendi ynë do të negociojë në Bruksel për ndryshime në rregulloren evropiane që lejojnë importet masive nga Ukraina, si dhe se do të insistojë që të mund të vendosim mekanizma antidoping, në rast të mbingopjes së tregut.

• Edhe sot, prodhuesit e drithërave po protestojnë për shkak të importit të drithit të lirë nga Ukraina

Përktheu dhe publikoi: Vesella Mançeva