Kryetarja e Këshillit Publik të KQZ-së, Cvetelina Peneva, u bëri thirrje qytetarëve që të dielën të votojnë për parlamentin e ri, sepse prania e shtuar e policisë do të sigurojë qetësi të procesit zgjedhor. Ditët e fundit shkollat – ku ndodhen qendrat e votimit – janë sulmuar me emaile kërcënuese. "Unë nuk mendoj se kërcënimet me bombë mund t'i ndalojnë njerëzit të shprehin mendimin e tyre se si duan të qeverisen tani e tutje," deklaroi kategorikisht Cvetelina Peneva për BNR. Megjithatë, nëse ka raportime për bomba të vendosura në ditën e zgjedhjeve, përgjegjësit, sipas saj, duhet të jenë autoritetet e sigurisë. Të gjithë anëtarët e administratës zgjedhore dhe zgjedhësit duhet të respektojnë me përpikëri rregullat dhe protokollin që duhet të hartojë Ministria e Brendshme, këshilloi kryetarja e Këshillit Publik në KQZ.

Përktheu dhe publikoi: Vesella Mançeva