19 intelektualë bullgarë nga vendi dhe jashtë vendit i dërguan letër Presidentit të Bullgarisë Rumen Radev, Kryeministrit në detyrë Gëllëb Donev dhe Ministrit të Jashtëm Nikollaj Millkov se veprimet kufizuese të autoriteteve serbe ndaj shtetasve me origjinë bullgare Dimitar Treperski dhe Daniela Mihajlovic në Bosilegrad të Serbisë janë një shkelje e rëndë e të drejtave të njohura ndërkombëtarisht të shprehjes personale dhe lirisë së fjalës. Kjo është në kundërshtim me të drejtat e pakicave të bullgarëve në Serbi, të garantuara me kushtetutën serbe. Dërguesit e letrës kërkojnë nga Ministria e Punëve të Jashtme zbardhjen e rastit dhe thirrjen e ambasadorit të Serbisë në Sofje për shpjegim, si dhe referimin e autoriteteve për mbrojtjen e të drejtave të njeriut në Parlamentin Evropian.

Ndalimi i paligjshëm policor i dy aktivistëve bullgarë u bë më 11 mars gjatë vizitës së shkurtër të presidentit serb Aleksandar Vučić në Bosilegrad, raporton BGNES.

• Për bullgarët në Serbi