Patriku bullgar Neofit dhe Sinodi i Shenjtë i Kishës Ortodokse Bullgare drejtuan një mesazh për 80-vjetorin e shpëtimit të hebrenjve bullgarë.

“Roli i Kishës Ortodokse Bullgare në këtë rast nuk është harruar asnjëherë dhe është theksuar gjithmonë, veçanërisht nga komuniteti hebre, për të cilin jemi mirënjohës. Prandaj, nuk ka nevojë dhe nuk është e përshtatshme që Kisha të tregojë meritat e veta, aq më pak për faktin se në një moment të vështirë historik ajo veproi në të vetmen mënyrë të mundshme për të, domethënë në harmoni me urdhërimet e besimit ortodoks”, thuhet në mesazh.

Mitropolitët deklarojnë se vajtojnë për ata mbi 11 000 hebrenj nga territoret fqinje që vdiqën në flakët e Holokaustit. “Ne jemi të pikëlluar për ta. Na vjen keq që Ekzarkia nuk kishte forcën dhe mundësitë për t’u kujdesur për hebrenjtë në ato dioqeza që u ndanë me forcë nga trupi i saj 30 vjet më parë, njësoj si për hebrenjtë në Bullgari. Na vjen sinqerisht keq!”, thuhet në mesazh.

• Shpëtimi i hebrenjve bullgarë e mban të zgjuar ndërgjegjen e bullgarëve
• Disa organizata hebraike dekoruan Kishën Ortodokse Bullgare për shpëtimin e hebrenjve bullgarë
• Ekzark Stefan I