Ministri i Kulturës Najden Todorov u takua me ndihmësdrejtorin e përgjithshëm të UNESCO-së Ernesto Ottone dhe shefen e Departamentit “Evropa” në Qendrën e Trashëgimisë Botërore Berta de Sankristobal gjatë vizitës së tyre në Bullgari. Delegacioni vizitoi Sofjen, Plovdivin, Sozopolin dhe ishullin e afërt Shenjtor Kirik dhe Julita, të cilin Bullgaria planifikon t’i shndërrojë në një qendër botërore të arteve. Ernesto Ottone u shpreh se ky është një projekt i mrekullueshëm dhe UNESCO mund ta mbështesë me ekspertizë. Pas vizitës në Qendrën e Arkeologjisë Nënujore në Sozopol, Ottone tha: “Projekte të ngjashme të lidhura me arkeologjinë nënujore kam parë vetëm në Tunizi, Itali dhe Spanjë. Qendra që keni këtu është diçka unike për vendin tuaj, për të cilën mund të jeni krenarë”. Të ftuarve u lanë shumë përshtypje edhe Bazilika Episkopale në Plovdiv dhe trashëgimia jonë e mozaikëve. Ata treguan se kishin parë shumë mozaikë, por jo në një zonë të tillë dhe të ekspozuar në këtë mënyrë.

• Ernesto Ottone: Bullgaria është një partner strategjik i UNESCO-së