Nuk dihet mjaftueshëm për shembullin e ndritshëm të Bullgarisë, që shpëtoi hebrenjtë e saj, tha nënpresidentja Ilijana Jotova para Konferencës Ndërkombëtare “Roli i avokatëve në shpëtimin e hebrenjve bullgarë”, që po mbahet në Sofje.

Popullsia e hebrenjve bullgare është e vetmja që pas Holokaustit ishte më e madhe se më parë, shtoi Jotova dhe saktësoi se këto janë fjalët e një hebreje bullgare të mbijetuar. Në to është njohja e shpëtimit dhe këto fjalë duhet të tingëllojnë më fort se fjalët e mohimit, theksoi nënpresidenti. 80 vjet më parë, Bullgaria arriti të shpëtojë 48 000 hebrenj. Ky akt i paprecedentë regjistroi disa nga faqet më të ndritshme të historisë jo vetëm bullgare por edhe botërore, tha Jotova.

Shpëtimi i hebrenjve bullgarë gjatë Luftës së Dytë Botërore tregon rëndësinë e jashtëzakonshme të mobilizimit civil. Ai shërben gjithashtu si një frymëzim për përpjekjet e sotme për të luftuar manifestimet moderne të antisemitizmit, tha në forum ministri i jashtëm Nikollaj Millkov.

• Shpëtimi i hebrenjve bullgarë e mban të zgjuar ndërgjegjen e bullgarëve