Me ftesë të ministrit të kulturës, Najden Todorov, një delegacion i UNESCO-së, ndodhet për një vizitë zyrtare treditore në Bullgari. Në një takim në Sofje me nënpresidenten Ilijana Jotova, ndihmësdrejtori i përgjithshëm i UNESCO-së, Ernesto Ottone, theksoi vlerësimin e lartë që i jepet Bullgarisë për mbrojtjen e trashëgimisë kulturore, në veçanti të pasurive të paluajtshme. “Kjo punë që po kryen Bullgaria e bën atë një partner strategjik të UNESCO-së”, tha ai. Delegacioni tani ndodhet në Plovdiv, ku do të vizitojë “Bazilikën Episkopale”. Kandidatura e Bazilikës Episkopale dhe Trashëgimisë së Mozaikut Romak të Filipopollit u përfshi në Listën Indikative të UNESCO-së të objekteve të rëndësishme kulturore dhe natyrore në vitin 2018.

• Një jetë e re për Bazilikën e lashtë Episkopale në qytetin Plovdiv
• Bazilika Episkopale në Plovdiv hap dyer për turistët
  

Të ftuarit e UNESCO-së nesër do të vizitojnë ishullin “Shën Kiriku dhe Julita” pranë qytetit bregdetar Sozopoll, ku do të mbahen diskutimet për projektin e ndërtimit të Qendrës Botërore të Arteve.