Me tetë vota “pro”, zero “kundër” dhe një “abstenim”, këshilltarët bashkiakë nga Komisioni për Arsimin dhe Kulturën në Sofje votuan për zhvendosjen e Monumentit të Ushtrisë Sovjetike. “Bullgaria Demokratike” dhe GERB votuan  për çmontimin e monumentit 45 metra. Kundërshtimin e ka shprehur BSP-ja, e cila në mënyrë demonstrative u larguan nga salla para votimit. Përfaqësuesi i VMRO-së u abstenua.

“Është e rëndësishme të bëhet hapi i parë, i cili pritet prej 30 vitesh. Monumenti i pushtuesit, tri herë më i lartë se ai i Vasil Levskit në Sofje, duhet ta lirojë këtë hapësirë”, tha Marta Georgieva nga “Bullgaria Demokratike”.

“Beteja jonë me monumentet nuk zgjidh asnjë problem. Është e njëjta logjikë që dikush në Këshillin Bashkiak të vendosë t’ia zhvendosë monumentin e pilotëve amerikanë që bombarduan Sofjen në hyrje të Varrezave Qendrore”, kundërshtoi Kallojan Pargov nga BSP.

Raporti për heqjen e monumentit u paraqit për shqyrtim nga “Bullgaria Demokratike” tri vjet më parë. Propozimi duhet të votohet edhe në seancë të Këshillit Bashkiak.