Në qytete të ndryshme të Bullgarisë sot në mbrëmje po organizohen protesta në lidhje me përvjetorin e fillimit të luftës në Ukrainë. Në Sofje, procesioni do të fillojë para ndërtesës së Presidencës dhe organizatorët nuk i kursejnë kritikat e tyre për hezitimin e presidentit Rumen Radev për t’i dhënë armë Ukrainës.

“Duhet të ndalojmë Rusinë” – tha nënkryetari i Komisionit Evropian, Valdis Dombrovskis, i cili ndodhet në një vizitë dyditore në vendin tonë, dhe theksoi se Evropa do ta ndihmojë Ukrainën për aq kohë sa të jetë e nevojshme për të fituar luftë. Ai vizitoi qendrën humanitare të Shoqatës së Organizatave Ukrainase në Bullgari “Mati Ukraina” së bashku me ambasadorin e Ukrainës Vitalij Moskalenko. Dombrovskis theksoi se BE-ja pranoi rreth 4 milionë refugjatë ukrainas, rreth 50 mijë prej të cilëve janë në Bullgari.