Në ceremoninë e “Zjarrfikësit të Vitit”, kreu i shtetit Rumen Radev u dorëzoi simbolin e nderit të presidentit ekipeve bullgare, që morën pjesë në operacionet e shpëtimit pas tërmeteve shkatërruese në Turqi. Presidenti i uroi të dekoruarit dhe theksoi se jemi një vend me institucione efikase që mund të organizohen dhe të veprojnë shpejt. “Jam i bindur se me njerëz si ju Bullgaria do të përparojë”, theksoi Rumen Radev.

Në ceremoni asistoi edhe ambasadorja e Turqisë në vendin tonë, Ajlin Sekizkjok, e cila falënderoi të gjithë ata që morën pjesë në operacionin e shpëtimit. Ju, të dashur miq, ishit një dritë në natën tonë më të errët, duke i shpëtuar djemtë dhe vajzat tona nga shkatërrimi i madh. Ju keni zënë një vend të veçantë në zemrat e popullit turk”, tha ambasadorja Sekizkjok.