Ministria e Shëndetësisë dhe Kompania italiane “Leonardo S.p.A” nënshkruan një vendim për sigurimin e gjashtë helikopterëve të përfshirë në Planin e Rimëkëmbjes dhe Qëndrueshmërisë me pajisjet dhe aparaturat e nevojshme për nevojat e ndihmës emergjente mjekësore. Helikopteri i parë do të jetë në Bullgari më 15 dhjetor të këtij viti, ndërsa të tjerët deri në vitin 2025. Këtë e bëri të ditur ministri në detyrë i shëndetësisë Asen Mexhidiev në një konferencë në Këshillin e Ministrave. Ai tha se do të sigurohet trajnimi i ekipeve mjekësore dhe pilotëve, do të caktohen vendet e uljes dhe do të krijohet një qendër kryesore koordinuese. Një ekip nga ministria do të vizitojë spitalet në vend për të zgjedhur vendet e përshtatshme për uljen e helikopterëve për të ofruar kujdes mjekësor cilësor, në kohë dhe gjithëpërfshirës.

Bullgaria është i vetmi vend në BE që nuk ka helikopterë emergjencash.