Fushata parazgjedhore për zgjedhjet për deputetë të 2 prillit 2023 duhet të financohet me fondet e veta të partive, partive pjesëmarrëse në koalicione dhe anëtarëve të komisioneve nismëtare, të kandidatëve të regjistruar, si dhe me fonde të dhuruara nga individë. Këtë e vendosi sot Komisioni Qendror i Zgjedhjeve. Shuma totale e financimit për fushatën parazgjedhore të partive dhe koalicioneve nuk mund të kalojë 3 milionë leva (1.5 milionë euro), ndërsa për komisionet nismëtare – 200 000 leva (100 mijë euro). Fushatat nuk mund të financohen nga donacione anonime, me fonde nga persona juridikë, individë të huaj, institucione fetare dhe me fonde nga qeveri të huaja ose ndërmarrje të huaja shtetërore, kompani të huaja tregtare ose organizata të huaja.