Aktualisht, Shoqata Bullgare "Rilla" në Spanjë po mbledh në mënyrë aktive fonde për të mbështetur viktimat e tërmetit shkatërrues në Turqi dhe Siri. Donacionet mblidhen në ndërtesën e shkollës bullgare të së dielës "Rajna Knjaginja" në qytetin spanjoll Burgos, si dhe në dy dyqane në qytet, të cilat janë prona të bashkatdhetarëve tanë. Paratë do të transferohen çdo javë në llogarinë e ambasadës turke në Bullgari, duket qartë nga një postim në faqen e organizatës në Facebook, i cili përfundon me fjalët: "Mirësjellja merr kuptim kur jepet në kohën e duhur!".

Fushata e bamirësisë pritet të zgjasë së paku një muaj, tha për BTA Diljana Bodurova, kryetare e shoqatës “Rilla”. Kjo nuk është e vetmja kauzë bamirëse e Shoqatës “Rilla”. Fushatat e saj kanë për qëllim kryesisht të ndihmojnë bashkatdhetarët tanë me probleme shëndetësore, si dhe ukrainasit që vuajnë nga pushtimi rus.

• Ndihmësmjekët bullgarë janë të trajnuar mirë, adekuat dhe të gatshëm për çdo situatë në terren

Përgatiti në shqip: Kostandina Bello

Foto: Shoqata Bullgare "Rilla"